Enhota latwaalela Ependafule: Hangula Fanuel

Hano nee peedula dioya pomukunda omulonga opa kala enhota lahanya nai. Ovanhu ova kala hava ende oinanho ile tava ka konga omakaeliteekwa pomikunda dopoushiinda ngaashi koshuuli, omufiya onaimbungu,efinde nokopepela. 

Apa pomulonga opa kala ashike omufima umwe hau ifanwa hembadi. Puhembadi okwali ashike hapa monika oumeva vashona. Okwa li nee ha kuningwa ngaha : tete oha ku ningwa eilikano hano oandaxa. Ngeenge oandaxa yapu vavali ile vatatu tava kateka omavela noitoo ngeenge vamane taveya nee pondje yomufima. Könima ngeenge omeva aeshe atekwamo oha kufwa nee omhindo ndele omeva taa kulwa nawa oha ku valulwa nee eemhindo moshitoo keshe. 

Enhota olali la dwanya unene ovanhu ova kendabala penya naapenya okuxupa eendungu ile omifima ndele aaye. Nokuli vamwe ova kanifilamo neemwenyo davo. Kombinga yoimuna eenghwandabi okwa li shingwa oinano , oowamululu ovo vali omatuwa okuhumbata keshe ,oonewewe ovali hava nhu koshilemo. Kombinga imwe owala nao owali wa hanya.

Ka kwali haku endwa oufiku ohakuti ngaho eshi wedaama kombinga eshi to ka tala ouli monhanda yeembulu kukalele naho ino pewa eshi holi nena, ashike nande ongaho ovanhu okwa li hava meneka vauka komatambi. Oha humbata nee oungandja voikundu. Efiku kuna exupo ohava twaalele omusheka. Ovanhu ovali hava longele kumwe nawa noku li kwafa exupo. Ovakulukadi okwa li ngaho hava kandobilila kuhembadi vo taveya vatu lepo eemusha. Ounduda ka kwali vapitikwa oku lotauka momutenya shaashi ota va kala vamane omeva shama vali aa ondulu oha kuwa ka kofeni mu teelele kupepe.

pomulonga opa kala omunyeumbo umwe wedina paulus wounongo kamana .Ovo tete vatula moshitunda omo inava hanga nande mwa takwa oshilambo shomeva shitya sho kakele kahembadi.. Paulus okwa kala no ku konga omva apa naapenya ashike nande ali omunaeenhono ngaha ine litwa nande eta limwe.

Paulus okwa tokola opo afe ondungu koushilo wepya laye pamwe enhongo taafe ongobe. Exupo osho latameke ondwi ya twima shili omeva taa kongwa. Ovashiinda navo osho veya ku waimina pamwe tave litu ngo nande okwa wana ku pakifapo evanda. Ondungu oyali ya yalwa nawa yangongwa moshili shaashi paulus ounongo ke dulike ngeenge wa hange nande okwe kuhongela oshiti ototi opali eshina. 

Oilonga yexupo okwa hai tameke efimbo löngula ndele ta yuu walele fiku i na ku iwa kenwefo komufiya. Oilonga yexupo londungu oyali ta i xumu nawa komesho nondungu ina i lalapo okuninga ile. Efiku limwe tate paulus novamati vambulaye ova meneka ngaashi shito efiku olo ovo aveke veshu halela. Moku tameka oilonga omumati umwe oye aya mondungu yee tate Paulus navamwe tava kweya no kutilashi edu shaashi oli hole ta lili yakaulwa oha li etele ovanhu oshikuma.

Lwopo kati komutenya penya mwene womakùva okwati okanduda naka djemo ayemo akafelemo vali edu limwe koo nako kaloloka ngaho nee ,nghee ngoo ka ka ninginine mo ongula ,nakaidi nayo ota i xweenene. Omunyeumbo aka dilongelamo vali. Okwa hovela nokuli ta umbu ombike hewa emanya halo ngoo lali la kindja ina lifa lamufiya nanaimbungu. 

Ina pa pita unene efimbo yee omunyeumbo ota ifana evela. Diva ovamati oveli tuma oale nokuli. Ova kweya mo ngaho avali voo ove udite omunyeumbo ta ingida fimbo vali tava tileshi edu,endeleleni.eteni evela! Endeleleni odo dali eendadilaka tadi nuka moshitoto shondungu eshi omunyeumbo tadi mokalungu. Ounona ina vee mudilapo diva shaashi ovali tave likupula nedu.

Konima omumati akasha kashona mo matwi aye mwa kala kasha okwa uda eingido eteni evela endeleleni! Evela möndungu ola yamo noshikanyauko hanga nokuli la twaalela hainina umwe ahangika ngaho tatavakana afa nelungw tanyange. Evela laka pyamo omo. Mokufika ngaho opa udika endudumo linene olo la udika no kwaava vali metungu, apa ounduda ava hangika poshitoto otava dekweta ashike. Omumati ou akula hewa weyamo ngaho; Okwa ingida xee mondungu, tate!aaye omwatya filu, okwa kendabala akweye mo evela ngeno aaye olalakuta ashike. Ovananguwo navo veli yombamo meumbo veuye vatale eshi sha ningwapo,ovashiinda navo ova fika nokuli. Moshitoto kamwali nande elinyengo lasha . Ounona ova ehenifwako kumwe noonauyumba. Ovanyuumbo ava vali vafika ovali tava kendabala neendelelo vati ngeno vaxupife paulus oo eli koshi yedu oshikako shidulife oshinano sheemhadi omulongo nanhano. Tate Hangula omushiinda noukeka okwayamo mondungu pombutu pakalwa yee okwaalukamo, ita popi ota puku ashike komutwe. Okwa didilika nawa kutya eshi sha wilwa kedu osho shali shile shidule eshi sha fyaalapo. Nande oukale hofe ito dulu okufa uhange omunhu ena omwenyo. Ovanyeumbo ovakulunhu ova ifana ounona opo vatumwe pomaushiinda vaka lombwele ovanhu eshi shaningwapo. Oonauyumba naa aveshe ava vali vaongala va shivifilwa kutya ayi ka tunapo vali omunhu ena omwenyo apa efimbo olile ngaho nee lapita po. Tate paulus axulifa mondungu oyo yaninga ombila yaye fiyo onena kalunga emudimbula monghalo yatya ngaha . Ha shimwe sha etifa efyo enota. Mopaife ngaha momulönga enota kali shivike mo vali omeva otutu . Tulumukwa nombili tate ove ependa kufye no ita tuku dhmbwa nande. Eshi osho shili.