Apa ndadja ihandivake vali: Lukas Lasco Hamalwa
Apa ndadja ihandivake vali oinima yo vanu.......
Omafimbo enya eshi opo hatuputuka tuli mefimbo lokamukodapweyu,opwali ovamati vanukapo elela,twandjanga twafa okayumbu takayoo omeva.
Efikulimwe twali twa pangela omangela fye nokaume ketu opo tuye kefundula leengoma komukunda uli ngo pondingandinga no Onamahoka yamDipai noshuulula opo. Efundula eli olo limwe lomomafula kadenga kamana moshitopolwa shashi olali hali pitifwa komunyeumbo mwene weumbo wedina,Nghikana opamwe noinyeumbo ikwao oyo yali ya pyokoka mokuyandja eholo lomalodu olo ladongolwa kushipolo kounangula ova tavafukala moshila osho,na luhapu ovakulunu vopomudingonoko womikunda ngashi Enghandja,Onamgwe,okatalona,Onaihenda,Onamakoka,Okatope nomikunda ikwaho, ohavadana efundula eli nehafo linene.
Efiku lefundula ngeno omongula! ame okwali ndelilongekida nawa,ndakosha ombulukweya yange inya yomondjuwo ndele handi ikangula nawa noshikangule shokomakala yatya omwoongo watwa, opo tuye tukafuule ounangula netyaka ovo tavekeya koshivilo shinene.
Efiku lefundula lafika,ovamati twadjala nokulidenga ondila oyo yafinda koNghikana,mondjila mwinya omukulunu wo sheendo shetu wedina hakutiwa Amoni okwetupula kutya utunapo ingapi yokukanwa eetombo dedu nomapwaka, mokuuda ngaha atushe otwelitala koipala, ashike mokwaongaonga, ame ondati ondina olanda imwe,nomapeni imilongo mbali okukengelela ovalandifi.Mokuuda ngaha Amon okwati oshilinawa, na otuna nee okukalonga oshilumenu opo tuhakwatwe kondjala nokenota: hano otuna okukanyaula oinima yovanu kovalandifi.
Anu vamati twafika moshivilo, etango nalo olaningina filufilu no milaulu odahovela. Otwakala ngao no kumwa etombo detu noku hola hola ounangula ovaveli mefundula eli.
ohatutwikile nale...........
No comments:
Post a Comment
Note: Only a member of this blog may post a comment.