Oumbada wokamati Ismael: Ismael Neumbo

Nandi mu yolife mangha. Peedula tuu dinya mangha twali oumatyona, peedula ngaho domulongo nambali nomulongo nanhatu lwaapo, oushi nee kitya ame okamati ka dja kanhuka po nawa oshikwanyama, hano mondjuwo onda djamo peedula doihembudangele woovene ndi ka ninge omutala wange.

Oshinima nee sha li hashi piyaaneke ombili yange osheshi kutya poushili ame monduda onda li handi tila mo oudjuu. Shama ngaho latoko wo omutima wange nao owa laula.

Efiku limwe lomomafiku mangha twa li hatu lifa nakaume kange kopofingo, eume lange okudja kouhanana Eddy Ndawedwa yaEliphas yaNamhindo (paife o nakufya née, tulumukwa nombili menhu ove), natu yeni nado, fye ka ha tu pangele omangela tu toole fiku olo, ovamati twa kula fye opo twa nyolele omikanda da tambulwako mafiku aa.

Hano shaashi ounangula vetu navo ova li ookahewa fye ohatu lifa twa lambalala oshana shaNdeihaluka naHadiwa twa finda lwo komaumbo avo.

Hatu va tu omulombo ou wokukaninga oufifiti nge hamusha la tu ongolo, navo tava dimine konima ngaho yokulimongifa okafimbo.

Twa ka idilila, handi ya meumbo. Efiku eli meumbo okwa li mweya ovaenda, nounona tuu vamwe voukadona vepipi letu, oudano ha wa yamo osho fiyo tau dimbwifa nge nomangela yetu yokoufita.

Ouvalelo wa liwa, ovaneumbo aveshe va ka ifana hekala. Opo ngaho ndi li po kwali ngaho nda kofa oshiyaalela, meemhofi onda dudulukifwa mo kelinyengo le linyenga pombada yonduda yange. Mokuma ndishi ohandi tila mo nee shito? Vati mhundja utondoka noshito kesimbwe owa lowelwa eenghwengu?

Opo ngaho handi pupu wo nomutima wange tau ti nee lwaku lwaku koumbada, natango kwati depa, pombada yonduda.
Onda didilika nawa kutya ou omunhu ta denge konduda yange ta kupula.

Mokudilaadila nee omukakena ou u li po okufika konduda yaNdjai, ta ohandi kakama ame handi di nee oupyu oshiponga.

Konima yefimbo inandi likwata vali ame onde i ekela mo ei ya pata: wuuuuuuuu! Ye tate ta ingida a ude eshi tashi kuwifa ekanda laye, teya ngaho hewa ta pula ame handi mu pe eholololo, ye tati shiimba ondjodi ashike ii kwali handi tu, ta kufa nge tu ka nangale konduda yaye.

Mongula kwa sha, hatu i kenhongelo. Pokafudepo nee kopomulongo penya ame handi ka konga eume lange tu ka lye oukuki vetu shaashi onda li ndinamo ooivali vavali momboolosho yange. Ava nde ke li twa muvo tete ounangula, ame handi i po puvo ndi li shi omaumati ndi ke va kunde, ounona itava dulu otave likoko ashike.
Nda li nee kupula kutya oshike shiyolifa ahawe. Ohaluka kaume kange eya po, naye ota kwena ashike vati ota yolo.

Konima umwe okwa ka hopaenena nee okanghuwo kange konguloshi ame handi dimbuluka, paife opo nee handi kufa ndiba meembwa, mboli onguloshi ha kaume kange ashike a li ta pendulange e li nounima vetu ngeno ndi ka talepo kange ame ndi uye ndi kale nawa? Ndalengwa!:-)