Oinyanekwa ihai shakene nomutenya: Nehemia Ndilula

Vakwetu oinima ohainingwa kovanhu veemadi mbali,odula imwe yomido domilongo omuwoyi nanee fimbo hatuya mefimbo lokuteka olundele okwali ndaholapo efamba limwe lopomukunda wapalafana nohaingu yetu yakamhulu hakutiwa Odinho,oinyanekwa eshi ngo vati ihai shakene natenya efiku limwe ondatokola opo ndipule ehelende lange eli efimbo ndishi konale okwali ovamati havakawila pokokoo topula ngoo efimbo uye kuhefolo woye ,eshi nee shetu shopaife oshili pashinanena kumwe noikolwifa,eewa natuyeni nado ehelende lange lapange efimbo opo ndiye ndikeliyombaelemo mokalili kaye fimbo ovanhu tava homata eedibo damwadina ,opuwo handili vakelemo ndamonapo okabefelo kokuyamo ,eedibo dapwa okuhomatwa ehelende lange leya olahangange ndili konima yomuvelo umwe walipo walongwa momapokolo opuwo twanangala ,fiku olo shihenga shanangobe okwali yadidimika nai yahala okutula omata pedu,oixuna yaxunuka nee fiku olo mboli okandjaya okamonange eshi ndeliyombelamo mokalili kehelende lange ,fimbo ndilipo haikumukapo kashona nomunhu telikolomona poshivelo pondje yee taifana edina lehelende tati Foibe omulumenhu ou eli omu napitemo paife ,ame kombete yomapokolo ongonghela ndaliko ndaya konima yomuvelo nokandongi keli peke aka kwali tweli tuvikila ,apa ondatokola ashike okandjaya ndikatule mekumbafa ame ndinipukemo monduda ,ashike okwali vali ndina oumbada pamwe oshindjaya oshadika eonga moshivelo ndilitweko ngeenge ndanipukamo ,okandjaya mokupita ngoo ngeno keuye meni ame ondikana ekumbafa komutwe wako nokukananena kombete ame handififila ndayuka pondje,nghee nee ndaninga shitika shiye noikutu yange monghwapa yooshihenga apa oyapwako nale taitilaele omakaeliteekwa pedu ,oixuna omilema ndamilema,oushelu vaushelu eembadi oixuna eshi ndakafika keumbo ndilitale ngoo ai ototi ashike omunhu kwali akupulwa meno ledilanghono nghina apa itapadi ohonde tyokwi tyokwi okudja opo nghiulondo vali ouna olupwelele.