Efatululo Londjiva: Isak Malua

Ngaashi nda li nda udaneka oku ka konga ouyelele movakulunhu kutya Ondjiva otashi ti ngahelipi, osho nde u mono. Xuuninwa twa li hatu kundafana oshinima eshi na tate Veikko Munyika na tate Mt Malua, otwa li twe lifiya opo kutya shoovene osha dja koshitya "ondjeva", ngaashi fiyo onena hai tangwa taku ti "ondjeva yomukulu nondenge". Kutya nee oshike sha li po osho nee kwali inatu mona/uda. Omulukunhu umwe nda nda mona okwa hepaululila nge ehepu eli:

Opa li ovamwainafana ve li vane, ovakainhu vavali novalumenhu vavali, vaina imwe (ovo ita dimbulukuka omadina avo, vo kashiimba ovomepata leehamba daUkwanyama). Umwe waava vovalumenhu okwa ka tungila kOmabdja ko oko a ka fila, umwe a kala mOukwanyama pamwe novamwaina ovakainhu. Omukainhu umwe okwa dala ovamati vavali, ye mukwao ta dala okakadona. Ina yovamati ava oye kwali e na ondjeva yepata, shaashi oye a li omukulu wavakwao. Opa ningwa nee, ina yovamati eshi a fya, ye xekulu ou mumwaina waina ota ti ondjeva yepata nai pewe kakadona ou a dalwa komukainhu mukwao, shaashi oye ashike e li po omukainhu. Vo ovamati otava ti "alakwa, ondjeva yameme kai na apa tai i". Osho ngaha va kala tava kondjele ondjeva, fiyo nokuli va dipaa xekulu oo kwali a hala oku i yandja po. Osha fa nokuli haku ti ava vavali "omukulu nondenge" natango ondjeva ove ke i kondjela pokati kavo vavali, kutya nee natango osha ka eta efyo, osho inashi shiivika vali. Onghee opo nee pa dja omukunda ile onhele oyo i ifanwe "ONDJEVA YOMUKULU NONDENGE". Eshi nee Ovaputu ve ke uya, ova nyengwa nee okupopya edina olo melaka la yukilila, onghee ova ti ashike ONDJIVA, lo edina ola twama osho