Eshitokongo osho ngoo tomono: Rehabeam Hangula
Momukunda Ouhongo waNghikelwa moshitotopolwa shaHangwena moshikadjo Engela,omwali ovalumenhu vatatu, Nghitoto-nanye,Shitulepo naNdeshuuda. lwo peedula ngoo doushimba wokombishi penya ova kala nee hava udu omahepu kutya oinakulu noxekulu ovafya kefyo.
Oshapumba monale okaana kamone omunhu afya, voo novawambo ihava fatululile nawa ounona.keshe dula ohava udu pomukunda wavo tapafiwa nande ihave shimono. Ovatokola opo vakonge efyo nokulidipaa, lihafike kuvo.
Ongula ei taipi oshikudu otuna okuya komufitu wakahanamweno okolina oku kala,ovamati tavapangele. Kwasha, ovalumenhu vakufa omauta avo anangongo, tavai medimo londjila vakakonge efyo. Inavafika nonaululi (peengaba daNamibia naAngula) pomukunda Onghala yaShikondjo,otava ende tava shave shashi kaveshi apa tavelihange.
Mokufika pokamufitu kamwe,ovamonapo omukulupe ou nana womutoko kwali euya okulivatela. Onghulupela mokumona ovalumenhu vahomata nokomayo oyatilashi oitetene nodibo yayo yo nyonde vati ihaunyanyekwa pokakangwa. Ai, efyo shimba oleli! Vaingidila oshita, navo vatotelako.
Eenghatu ngoo nano nanee lwapo nomondjato ili komesho yavo, oikombo yambilikila eyoka! mbela mondjato omunashike? elipulo kukeshe umwe. Olukongo lefyo laxulila moihole, paife ondjato. Vatuleko ngoo kondjato okodumba ashike yoimaliwa yomafo iyadi dooo...enghudafana dayamo. Ovatokola oshimaliwa veshiye pokati lutatu,keshe umwe shaye.
Ekoto olili pamwe noulai, yoo yanakaidi nayo otaivalyata shashi okwasha nale. Ovakufapo peembongo vakalande oikulwa nokapwaka poShumbwateta .Nghetoto-nanye okwati oye takalanda oikulya. Eshi nee Omutima wamukweni oshilongo shiili,okwa kwatwa komutima munene. okwatokola opo moikulya atulemo ohefa opo vakwao vakafye, yee taningi omuyamba akufepo oshimaliwa ashishe. Eshi nee vati shekunangela oshina ounongo wokukulya, shoo eshi shili konghumbi oshongo shili kevale, oinyanyekwa ya kashakena nee nomutenya. Shitulaipo na Ndeshiuda navo onga shikwao. Ova dilaadila vapitifepo mukwao voo oinima vei ende pokati ashike luvali. Oveli kunda kutya eshi teuya na tumutwe oshiti okufya. Nghitoto-nanye mokualukila kuva kwa ,oshongo aningilwa nokutwalako iimbala.
Oushi nekutya nakaidi kahalwenya okwali ivakwete, ovalyapo oikulya oyo yatulwa oudio kunakufya Nghitoto. Ai, Paife shipanga otanyenge nee Nangolo...Ndeshiuda na Shiulaipo navo ovekelikola emeke.Ovadali nava hekelekwe! Ovalumenhu ava efyo ovelimona ngashi velikonga. Paife oshimaliwa oshalye?
No comments:
Post a Comment
Note: Only a member of this blog may post a comment.