Ndaafita Nekonghola: Ismael Neumbo

Omunyeumbo Ndaafita yaNdjebo okwa kala naNekulu laye Mukwahongo waHailapa meumbo lavo, pomukunda Onepandaulo moukwanyama. Ongeleka yavo Okamupanda, eekamba opumukotola nongeenge opwa pata okoshivanda shanghatanga.

Ndaafita okwa kala omukongo ye vali nge te ku umbile outa wanangongo ava vena oipupulu ohava ti vati okadila oye mwene ha hoolola nge ota ka i kexwanga ile ote ka denge nomako.

Ndaafita okwa kala omunhu wovanhu ashike nee eshi ondjaba i he na efungu Ndaafita okwa kala ehole poshidimba shimwe tonyengwa, unene tuu metiti oto mu dipaelemo.

Efiku limwe mangha a li tashave mekove laye okwa mona ekonghola tali kunghula nongubu, ye te li li honyaekele, ta pona eelata domate, nekiya lomutyuula lemutwa ine li uda nokuli. ekonghola ola ka uda nee eshi a lyata po okati kakukutu lo ta li fadukapo nde ta li fi nee Ndaafita. I ha fe omuku ihe ko.

Konima yokafimbo osho ngaho e shi pondola oku li kufa ofika, te li eta keumbo, te li pe nekulu laye e li lafe oupuka ngaashi he shi ningi shito.

Omukulukadi a mana okuteleka, ta eta nee opo mwene womakuva a dule okutaulika oshedi, ekonghola li uye ka li na okaulu kamwe. Omunyeumbo Ndaafita okwa lalikida nekulu laye nekoto ta ti: Ta, ha u wete ko Mukwaho? Oinyengandunge ohai ningwa ta! Kaume ekonghola latondokifange ta li twifange nokomakiya lina onapo ngahenya nde mboli eima o li na ashike okuulu kumwe.

Mukwahongo okwa ya mo afya mwene ounye ta ti: Oshilama shekonghola loye omo shi li mombiya ame oove nda ningila shi ninge shokonguloshi pamwe oto ti onde shi lyapo. ohoni apeshe opo.