ENYONAUKO VAKWETU :Queeny Namundjebo

Ondula yandjako efimbo ngaali oshilume-nyuumbo shimwe okwa li sha findikila kahewa kasho koutenya keumbo letu . Hano omumati owambuletu yee ou shinyuumbo-lume okaume ka kakandona ou eya koutenya meumbo letu. Hano osha li nee ngaha kutya omumati oo mboli omuhomboli ena nolinga nokuli kwali fiku olo eya. Hano omulumenhu ou mokumona kutya meumbo omu veya omuna omafamba oo okwa tokoka olinga komunwe okwei pweyako nokuli osho. Oinyanekwa eshi ihai shakene namutenya mboli tatekulu umwe okwa mona nghee omulumenhu oo tapweya olinga yaye ndee tei tula melimba yoshuta oyo kwali andjala. Hano omulunmenhu eshi aka pewa oshipopiwa okwa tameka nokuli vati OI! meumbo omu omuwa kutenywa omunhu mboli omu ame naame oko haiya ndikonge mboli. Ovanhu veli teya oshindjola yee mboli ou tatekulu omulumenhu oye ngaho ano ngela.

Oshivilo Shatameka eexuxwa tadi teka apeshe opo. Yee omulumenhu oye tuu oo okwa yamo vali nalimwe nokuli. Queeny ehena utale apa nghelo, osho ngoo ndafa daunda to ifanwa meumbo omu. Ame inai hala nade kundingilila vakwetu okaana oke li nyengifa omutima wange aka ndee ondi wete kutya meumbo omu oha twaalukilemo mboli. Fyee okwa li ngaho tushi omulumenhu ota shendjula mboli hakwe litulamo ashike. Aka ndingunukako yee otau fanange vali nokuli vati okwahala oka nomola kange kopeke. Oi, omulumenhu ota xweenene kaanave. Mboli tatekulu oye ngoo tatale. Eshi ngaho shekeya oku topifa oshambanya penya yee okwa vakula okwooko kange vati, oi vakwee ohai monikila mwiikawo ame okaana aka opo ngoo hai kaholele moipafi yeni apa ondeka hala nai. Tatekulu ine li kwata nande okwa fikama taiti; Oi, memnhoove oweli tumba ashike ame nghihole mavaya nee, ouna ngoo eengombe nei? Sho oshinyuumbo mati tashiimo shiwete shapandika, ehee iii ame tatekulu eengombe edu toyele. Ka kwali twe shii teelela nokuli loo epulo likwao oleya vali: hmmmmm eshi nee wahala oka tekulu kange owahala okuhombola ombada hano? Loo eenyuumbo uh omwalikadi muwa ngaho otahombolwa nande ombada atye nghishi ningi nokuli.

Hano tatekulu ina kwataakwata okwa ti atye ove oho xunu mboli wani ngenge owahala okaana kange kufamo manga olinga oyo watula melimba yombulukweva yoye omo. Omatwi omulumenhu pakalalalalala. Oi okwa kukuta ngaho ngoo nee shaashi kewete vali eshi taningi olinga okwei kufamo vati ahawe aka okapapa ashike ndihole kundjala nditilife ovanhu. Omulumenhu otwe mudile ondjala ndee noutenya ineu mana vali vati okwai fanwa kumu kwao eli kengela ena okaana keundite nai, ashinga aya netuwa laye kakadona afyaala koutenya komuholi wovakainhu ou.