Otauli epepe!!!: Nghinyengwa Wengo

Momukunda Oshindobe sha Komeya, popepi nOhadiwa opa kala omusamane Betuala. Betuela okwali nee omupombolume. Eli ngaa meumbo oye aeke, nokambishi kaye neembwa dili mbali. Okwa kala nee ehole pedimo. Ashike okwa kala ena lela oluka la kula, loo lapaluka nee nawa. Okwa kala nee ehole eemhuku nai shamanamo.Mupya nee wayee, mboli osho a kwatwa kokatumba. Fiku nee amanena oweenda waye meumbo tuu laye, olo yoo tuu elituwa. Ovakwapata taveya ngaa. Elambo loshimhu shaye olali nee la fewa komaendo opOngenga. Efimbo olo oyeendifo oyali ya pumba, voo novamati vomukunda vahapu va hangwa vaya komaonda. Pomukunda wavo opa kala nee elume ledina Haludilu. Haludilu okwali emhenhu lomamukesho loo olina eenghono. Fiku nee lepako, ovakwapata va Betuela ovekemulilila oufyoona opo eva kwafele okuhumbata oshimhu sha Betuela okudya nee kOshindobe fiyo okomaendo a Ngenga oko kwa longekidwa eumbo laye lauxuuninwa. Opena nee okamukakena okudya koshindobe toi kongenga, woonavali omundiba ihautulwa. Oixuna oifikepeni! Haludilu okwali nee a pewa o ponda imwe ongaa ofuto, yee tapewa naana etiti liyadi oshimbelela, nomhindo yakula yoshikundu manga ineli denga ondjila. Manga ina tumba okwa kufa nee uunguto vanhe vofenya, taimbwikile nee peendyedi dopomulungu wopombada. Eshi ngaa nee atumba oshimhu sha Betuala, ovanenguwa ovali nee tava imbi veli konima yaye. Kavali nee tavaendele. Ou nee Haludilu okwa didilika kutya ngee ina ninga onghendabala itekeshidula. Okwa Tameka nee taendele. Voo ovanenguwo tavemulombwele kutya, ine va fiyapo. Okwa tanauka nee, tevataalele yee ta xumine nee ofenya ili pomulungu wopombada. Tevalombwele nee tatii “ haitii vakwee, omudimba ou otauli epepe. Ndele ngee itamweendelele, ame ohandi utula ame Haludilu”. Oh, ovanenguwo osho va yandye ombili. Komanha avo va wedako. Haludilu naye paife ota fakula ngaa nee. Okwe va fiyapo nana oshinano. Omudimba wa Betuela otauli epepe. Omulumenhu okwali aondoka afa ohove yokoshimholo. Haludilu okuwete ashike eshi eli nale mekango yee ewete nee nokuli nomatungo eengeshefa dopOngenga. Okukeyuka kwinya aaye, ashike omawi ali konima yaye okwa mwena. Ovanhu ova shaalapo oxutu. Oshi eya pelambo ina pupako nokuli, oshimhu sha Betuela okwa fikila ashike teshi umbilemo.

Takala nee omutuma kendu eli ladya melambo tafenya ondobodola yaye manga ateelala ovanhu va fike. OKWALI TAULI EPEPE