Okapana kombwa: Kutate Veikko Munyika

Mee Namene oha landifa okapana. Omafimbo amwe oha kala nombelelela yombwa. Oha mono mo shihapu shaashi ope na ovanhu vamwe ve i hole. Omushamane umwe wokOmuhozi eshi kwali e ya okulanda oinima yaye koPepa, onghundungulu yambulavo oye mu landula. Mokutauluka ngaho opate, kwayu! Kwaai kwaai, ombwa ya lyatwa kotuwa, mwa kasha. Mee Namene ye oku fike pona. Pambwa ova fikila po oshita namwene wayo. Okwa pula kutya omushamane ota pula ingapi. Omushamane okwa ti N$ 70. Mee Namene okwa futa ndele ta kokololele ombwa yaye apa ha landifile. Omushamane a ya. Mee Namene okwa ongela oipakete a vave ombwa yaye. Okwe i xwameka ndele ta kupula mo ombwa yaye. Ombwa nghee ngaho ya udu oupyu womundilo, oye shi ti po tuu xwayu! Keleleni, keleleni. Ombwa nghee ya ninginine pOpunyu opo, inai monika vali mOluno. Omushamane, opo ngaho ta hokolola, ombwa oyeyi. Mee Namene a kana: oshimaliwa a yandja, ombwa ina mona. Omushamane ke shii naapa ha di.