Oshilulu: Nghinyengwa Wengo

Eshi nee eputuko la enda tali eta oinima ipe, ovanyasha vefimbo linya navo osho velihongo okunwa omakaya. Okahokololo aka ota ka popi nee oshinima shali sha ningwa momukunda Omundudu. Woovene owa shiifika nawa woo navali owa kula.

Apali nee pena okaluli kamwe haka piyaaneke. Luhapu haka shindi ngaa ovanhu popepi nomaendo ame eli pomufitu. Omulunhenu umwe ashiivika nedina Penda okwa kala haka wila kEpundi. Omukunda wa shaama nOmundudu, ashike opena oshinano. Alushe nee ngee a pewa epitikilo ayekoo, omukundu waye owali ngoo okaluli aka hakatongwa. Kali nee eka shakeneka nanatango ashike omahokololo ako mahapu okwe a uda.

Ovakulunhu va kaadona waye ovali nee vaya keesa dali kOhailulu, oku nee vali vena ngaa okuningako ngaa nande limwe. Penda a mona omhito yokuya kEpundi. Mokuya kwaye kali nana a tila. Mokwaaluka kwaye nee keengulasha, yoo nohani yaningina nee nokuli. Oumbada wokaluli oo auke wali muye. Okwali nee ena ekaya limwe nokapwalwa ngaa kaye. Eudeko laye olali kutya omakaya ohaa kufapo oumbada onghee okwa tokola eli teme eshi ashike eli pokufika pomaendo opo. Eshi ngaa eli tema, yee ta ende nee ewete oumbada eukufamo, okwa shakenekwa nee kelume limwe tali di komesho yaye. Edilaadilo lokalulu muye naapa laningine. Winya temu popifa, oshiima osha nyika nee omilaulu. Mukwao ta pula a nweko ke kaya laye. Penda okwa dimina ashike okwe mu lombwela ngaa kutya opo elitema, shapo ota shiliko ngoo nee kashona yee temufiileko vali. Elume eshi ngoo tali mbwikulako yee panda ateelala ngaa. Penda teyapo nee nehokololo tatii “ Ishi, poima apa oha ndi tilapo oufiku, Vati opena ngaa okaima”. Mukwao okwa yamo tatii, “ ee, aaye kapawa, naame ondali handi tilapo manga kwali ina ndi sa”. Nghee ngaa Penda odo audu odo, omhadi oketako. Ekaya laye eli fiyapo.