Shitunwa iha hadwa: Ismael Neumbo

Mido ke didihapu unene da pita po, efiku limwe mangha nda li natango ndi li kofikola yopombada yaShipena momukuto waKeisha, efimbo olo nda li mondodo yaxuuninwa nge inandi tumakanifa omandola, onda tokola nee efiku olo tuu eli la li etitano koshivike opo ndi ka tale oudano wokatanga kokeemadi kondungosho imwe ya shiivika nawa mepandaanda laEveline, ame ndi ke litalaleke mo ngaho kashona omunhu womumati.

Efiku olo okwa li kuna o Arsenal noManchester odo tadi linyika komakombo.
Oudano watameka, ombuyaano yovayambididi veengudu edi domaudano mbali nayo oya yaka, po tapa nuwa nee oshikundu po ta pa yolwa, oshinima shiwa sho oshi shambula.

Konima mondingosho oyo tuu ei omwa holokela ovamati vatatu vomuhoko wovanama. Omudjalo wavo neholokepo alishe oku la ka twa ota li ulike ngaho va nyika oukolokoshi eshi nde va shimununa. Ove lipo vatya oivadi nomalutu a pwako komishangwa ndi he wete etomelo lado oshoyo omafano a ha fele. Ove ya mo nee nomambaba avali o overmeer vo otava kala omutumba ve shi li ningile osho.

Eshi hasho nda endela, omesho ange kuvo onde a kufako nde handi tale ooHenry vange eshi tava likile o manchester komutwe waKashima.

Ovangongolo ava eshi tuu va mana embaba limwe vo tava kufa likwao omulungu, umwe ou a lipo a kasha noshipala tashi ulike kutya omunhu a pwa onghenda okwa kufa okanwifo kaye, te ka yada komufwata, ye ote ka denge moshiokooko shondingosho ei. Omalodu eshi a ndwafuka oko atushe tu limo ohatu lokwa ngaho nee.
Okwa pweyamo emukonda lifike hanga puWendy opo moule ye ota tameke okuendaaenda nondingosho aishe ta tukana moshimbilulu, tatukana oitya inene nde odino ei yakula okwa li ashike a palamena ovawambo ( Al die wambos, julle se ma se.....) osha li shi handukifa shili oomeme tava tukwa kekiki lili ngaha nonande katu na nghee tuna okuninga shaashi nge watale koxulo yehongamukonda oku oto di ashike omaxwilili.

Ka pe na nande oumwe e mu kumbulula atushe otwa umikako ashike, twa hombolwa ngaho née kuhautindoti nomukonda waye.

Konima eshi a fya ohoni okwa tokola e tu dje momukweyo ta pula: Is jy n wambo? Kokutya ou mu wambo? Ye a kondoveka nee oshinamemo shaye eshi. Ta, oufiku waninga mwii nee. Omamumenhu naa akula otae likale omuhoko wao tate. Shama nee wati kushi omuwambo hautako wamangwa ou ohe ku efa nee ye tai kwaau a shikulako, oshinima otashi ende nee shayuka konghambakani noitunda ya dja kongha, omhandakani neengoya yokooxe yaNamalwa. 

Omukweyo tau ende nee wafinda kwaame, paife oumbada nehandu momutuma wange ola xwama nee, omukwanghala ou eshi ndimuwete ondahala ashike ngeno onde mu pombolapo nande okuli.

Onyule ya fika pwaame, yo tai pula nge tuu epulo layo nge ondimuwambo. No ku helipula oshilanduli onda dimina, nghene ovanhu va udu nda dimina ye keshe umwe ota lokomene a tale eshi handi ningilwa komukolokoshi ou. Onyule yahaupaka yo otai mono: "jou ma se..........." ya tukana vali. Ame eewa, oshi li nawa. Yo tai fe ya ya ngeno, tai alukilenge vali, yo tai pula nge, ouna oudjuu nasho? Ame aaye oshi li nawa, nde momutima wange mwinya omwa fa ashike muna eembiya mbali dodungo tadi kwakwata, nda handuka shimwe tonyengwa.

La efange, laya pukalumenhu ou a shikulako. Okamenhu ke li po kokashendjelutu kokafuulimunhu ngaha, ke li po ngaho kalaula ofidi ka dile pOnekwaya yokoushilo opo ha ka ifanwa Titus yaNakale.
Omukwanghala ta pula okamenhu aka kashaama naame epulo laye olo a ninga omukalondjikilile, ko nako ta ka dimine.
Ye ta twikileko ngeno: jou ma se....., oshitya shikwao i ne shi popya ye oku li pedu kongonyo yokamenhu kokooNakale. Ame naame nda ningilwa nawa, eshi tuu e ke litoola po okakwnde aka nda li handi nu oke li momutwe waye, wo omukonda owa wila kwi, handi u toola po, handi u yandje komalandifilo. Venya nee va li ve he fi ovawambo navo oveya ve shi liningile, va kuwilwa onghuwo omayoo. Omukwanghala wovanhu ta lika keenyiki née.

Vakwao oveshi wayukapo, ou okwe ya ashike okunyekwako keemwiya dashinana da hanga u li pofingo.
Shituna iya hadwa.