Shimbungu na Kavandje mofaalama ya shilumbu: George Gman Dickson

Efiku limwe opali Shimbungu na Kavandje. Ovakala nee havadi mofaalama yedina Soetwater, yali popepi no Malinda kwali. Ofaalama oyo tuu oyo, okwali yo shindele hashuufanwa Koekemoer. Omutenya umwe manga omaume aa Shimbungu na Kavandje vaomba momudile wo mwoonde, ovepangela opo va kavake oikapa (eedi) da Koekemoer, ngeenge la toko.
Moku omba ngaho mboli ovamati havakofa ashike osho. Eshi ngoo etango lakapa ovana, loo Haulamba la Nangobe hala dudulukamo mee mhofi tete osho, shaashi okwali talipangelwa ku Nakaidi medimo. Nokudja opa olapendula mukwao talitii: 'Kavandje ka Meme', yee Kavandje taitavele tati: 'Shimbungu sha Tate'. Shimbungu noku dimbulukifa Kavandje omhangela oyo vatulapo omutenya yo ku kavaka eedi koshinyongo. Elao linene hewa onguloshi oyo okwali kuna ohani, no kwali vena elineekelo kutya oilonga yavo otai kaenda nawa lela omolwa ouyelele oo waliko.