Oulumenhu omwene: Selmah Nam Deevivih

Momukunda Omata popepi nOhaingu mOukwanyama, omwali muna ekanda limwe Hanghome. Hanghome okwa longel kouxw keefaalama daUtjo waNepando kuna eembulu dikedi. Okwa endela efamba lokomukunda Eeshoke popepi nOshikango shaNgwaalada penya. Efiku eshi lafika lokuya koutenya Hanghome okwelitya moityakaya yaye yomwiya wongobe nelapi laye lomulambidwa litilyana. Ushi kutya nale ovanh ovali hava lambida? Omumati okweli pamo yoo nomomahola omusheka vati okuna elao. Mokufika koutenya, mooxemwen okwa hangamo Onghundungulu imwe tai lutulwa shaashi ohaii oupedi.. Hanghome ovamenhu venya vanhukapo, okwa yamo tati ai valumenhu vaEeshoke hamba omavaya, nghee muli otamu nyengwa oku lutula ombwena ifike opo? Oyo yeefeleinge itandii kwatelwa, twa tumba nale oitenda yailumbu. Yee hakwa nukila ombwa osho, taa! Umhh oixuna oifike peni? Hanghome talika kOmbwa. Inamweno yee otati: uunonanye kwafeleni mkweni talika kOmbwa. Hanghome: meemweno ino piiyaana ombw aame ndiikwete. Inamweno: kufeni mkweni koshi yOmbwa vakwetu! Hanghome: meemweno inokovauka teelela shoye opo tashiya. Ushi nee kutya omumenhu okweya eli denga omusheka, hano moipilikisha yavo nOmbwa omahola hakwa tikako osho, elambidwa kalishi kutalwa, edimba linya kupopya. Inamweno: vamati mkweni tadipawa kOmbwa. Hanghome: meemweno ondeku lombwela nale kutya teelela olufo loye ndee oto kovauka ashike, paife oshimbwa sheni osha ningange omahola. Taa omumati tadiw ondjala kovaEeshoke nee. Hanghome eshi wayukapo mboli elapi laye ola wamo. Ounona tavemu ingida: tate Shitenya elapi loye oleli! Hanghome: shikesho? Ounona: Elapi loye oleli! Hanghome: noshanyokoo! Ounona: elapi loye litilyana oleli! Hanghome: noshanyoko shitilyanaa! Hanghome aya, eima lomukulunhu ehandu, outenya waxulila.